Bræðurnir Brandur Ari og Leifur Arnar eru báðir í íþróttum á sama tíma, en ekki á sama stað. Einhvertíma var faðirinn að skipuleggja ferðir þeirra og sagði við móðurina: "Ég fer með Brand Ara, þú tekur Leif Arnar."

Á Íslandi er mjög takmörkuð virðing borin fyrir gildandi lögum. Því þykir tilhlýðilegt að höfða skaðabótamál á hendur stjórnvöldum, sem ekki veita undanþágu frá þeim!

Næsta laugardag, 19. nóvember, verða opnar fyrir gesti og gangandi tvær vinnustofur í Litalandshúsinu, Furuvöllum 7, Akureyri. Í annari þeirra málar myndir Aðalbjörg Kristjánsdóttir og vinnur margskonar listmuni. Í hinni fæst Hallmundur Kristinsson við svipaða iðju. Þeir sem hafa áhuga og tök á að líta inn eru hjartanlega velkomnir á milli kl. 13 og 17.

Á oss dynur vá og voði/ sem vissulega engan svíkur./ Af skelfingu menn skjálfa í boði/ Skjálftaveitu Reykjavíkur.

Er gjáin á milli þings og þjóðar? Þings og forseta? Forseta og þjóðar? Eða þingmanna?............................................................................................................................................................................................ Mér finnst ei skrýtið að myndist gjá/ og marga hún töluvert hræði;/ þannig er málið að Alþing er á/ alþekktu sprungusvæði!

Send voru egg til seggja fast,/ sem þeir ei vildu hafa samt./ Alltaf þykir mér eggjakast/ eitthvað svolítið vafasamt!

Menn eru rjúkandi Alþingi á/ upp til handa og fóta/ þótt aðeins sé verið að eggja þá/ til einhvers sem væri til bóta.

Alþingismennirnir eru að fást/ við áritun sögunnar spjalda./ Hverfular vinsældir hvarvetna sjást,/ en hvers eiga eggin að gjalda?

Þeirri spurningu er oft varpað fram. Svarið er einfalt.
Menning felst í því að gera einfalda hluti flókna.

Staðarbyggðarfjall 2009 akrýl á striga 50x40cm verð kr.75000                                                                                                                                                                            

 

                                                   

Þess eru allmörg dæmi á meðal hjóna og sambýlisfólks að konan sé tekjuhærri en karlinn.

Konan fer út að versla og fær 10% afslátt í nafni jafnréttis.

Já,já.